Yunusobod mashinasozlik kollejining 2-bosqich talabasi Mambetov Javohirbek endigina 17 yoshni qarshilaganligiga qaramay, axborot-kommunikatsiya texnologiyalari sohasini puxta egallagan. U yaratgan “Uz sekurity” (AV “Antivirus”) elektron hisoblash mashinalari uchun dasturi tarkibiga 40 000 dan ortiq keng tarqalgan viruslar turiga qarshi kurashadigan baza mavjud. “Uz sekurity” dasturi o`zbek tilida yaratilgan bo`lib, uning bazasini to`ldirish qiyinchiliksiz amalga oshiriladi va tushunish oddiy hamda oson. Mazkur dastur kompyuter operatsion xotirasini juda kam me`yorda iste`mol qiladi. Shu bilan birga bu jarayonda kompyuterni ishlash tezligi deyarli o`zgarmaydi.
Hozirgi vaqtda virus xavfsizligi jahon miqyosida dolzarb muammolardan ekanligini hisobga oladigan bo`lsak, bu sohada yaratilgan yangi dasturni o`ziga xos izlanish, intilish deb baholash lozim.
Kuni kecha J.Mambetovning “Uz sekurity” EHM uchun dasturi (AV-Antivirus) O`zbekiston mualliflik huquqini himoya qilish respublika agentligi tomonidan ro`yxatga olinib, asarlar registriga kiritildi. Shuni ham ta’kidlash kerakki, unig ustozi Shohruh Yassaviy ham ayni paytda kollej o`quvchisi bo`lib, axborot-texnologiyalari bo`yica o`tkazilgan ko`plab tanlovlar g`olibi bo`lgan.
So`nggi soatdagi xabar: Yosh muallif  Mambetov Javohirbek usbu dasturi bilan “Kelajak ovozi” Respublika ko`rik- tanlovining viloyat bosqichida birinchi o`ringa sazovor bo`lganligi va Respublika bosqichida ishtirok etish huquqini qo`1ga kiritganligi to`g`risida xushxabar oldik. Muallifimizni bu g`alaba bilan qutlaymiz!